Օրիգինալ կարկանդակ. Գեղեցիկ ու փափուկ նախուտեստ

Ջեռոցում կարտոֆիլի միջուկով Օրիգինալ կարկանդակ պատրաստելն ինձ խորհուրդ է տվել ընկերուհիս: Այժմ ես հաճախ պատրաստում եմ, քանի որ, ամեն ինչ այնքան պարզ է ու համեղ։

Օրիգինալ կարկանդակ. Անհրաժեշտ բաղադրիչները

_Տաք կաթ 150 մլ

_Տաք ջուր 150 մլ

_Փափկած կարագ 30 գր

_Շաքարավազ 1 ճաշի գդալ

_Մածուն 2 ճաշի գդալ

_Մի պտղունց աղ

_Չոր խմորիչ 7 գր

_Ալյուր՝ մոտ 600 գր

Միջուկը պատրաստելու համար

_Խաշած կարտոֆիլ 500 գր

_Աղ, պղպեղ, կանաչիներ՝ ըստ ճաշակի

_Կարագ 30 գր

_Քերած պանիր 100 գր

Սոուսը պատրաստելու համար

_Սխտոր 2 պճեղ

_Բուսական յուղ 30 մլ

_Պապրիկա 1 ճաշի գդալ

Օրիգինալ կարկանդակ. Պատրաստման եղանակը

_Կարտոֆիլը եփել և տրորել կարագի, կանաչիների և համեմունքների հետ՝ ըստ ճաշակի, ավելացնել քերած պանիրը, թողնել սառչի:

_Կաթն ու տաք ջուրը խառնել, ավելացնել աղը, շաքարավազը, խմորիչը, խառնել, մինչև հարթ լինի։

_Լցնել մածունը, ավելացնել փափկած կարագը և խառնել։

_Ալյուրը մաղել և մաս-մաս լցնելով՝ խմոր հունցել, կարևոր է ալյուրը չշռայլել, որպեսզի խմորը չպնդանա:

_Ծածկել և թողնել տաք տեղում 1 ժամ։

_Կարտոֆիլի միջուկով փոքրիկ գնդիկներ անել։

_Խմորը կտրել և բաժանել կարտոֆիլ գնդիկների քանակով։

_Խմորի գնդիկը տափակացնել, կարտոֆիլի գնդիկը դնել վրան և շրջանաձև փաթաթել։

_Ջեռոցի տապակը ծածկել յուղաթղթով և շարել գնդիկները, ձեռքերով սեղմել, քսել սոուսը, ցանել քերած պանիր։

_Թխել 180 աստիճան ջերմաստիճանում՝ մոտ 30-40 րոպե։

Այսպիսի փարթամ և նուրբ բլիթները կատարյալ են նախաճաշի, խորտիկի և ընթրիքի համար:

Բարի ախորժակ:

Տեսանյութ

Կարկանդակ ջեռոցում