Ֆունչոզայով և հավով ուտեստ. Արևելյան համով հագեցնող ճաշ ամբողջ ընտանիքի համար

Այսօր պատրաստելու ենք Ֆունչոզայով և հավով ուտեստ արևելյան համուհոտով:

Արևելյան ուտեստները միշտ գրավել են մեր տանտիրուհիների ուշադրությունը իրենց կծու և պայծառ համով: Մենք դրանք շատ ենք սիրում, վերցրեք, օրինակ, պեկինյան բադը:

Բայց եթե այս գլուխգործոցը ձեզանից կպահանջի առնվազն 2 ժամ, ապա մենք առաջարկում ենք մի ուտեստ, որը և համեղ է, և արագ ու պարզ պատրաստվելով ոչ մի կերպ չի հոգնեցնի ձեզ:

Ֆունչոզայով և հավով ուտեստ. Անհրաժեշտ բաղադրիչները

_Հավի կրծքամիս 300 գ

_Ֆունչոզա(բարակ վերմիշել) 100 գ

_Գազար 1 հատ

_Բուլղարական պղպեղ 1-2 հատ

_Վարունգ 1 հատ

_Սոյայի սոուս 5-6 ճաշի գդալ

-Բալզամիկ քացախ 3 ճաշի գդալ

_Արևածաղկի ձեթ `ըստ ճաշակի

_Սխտոր 2 պճեղ

_Աղ` ըստ ճաշակի

_Սև պղպեղ (աղացած) `ըստ ճաշակի

_Հավի համեմունք` ըստ ճաշակի

Ֆունչոզայով և հավով ուտեստ. Պատրաստման եղանակը

_Սկզբում պետք է ֆունչոզան 5-10 րոպե տաք ջրի մեջ թրջել: Եփել հավի կրծքամիսը և կտրել բարակ շերտերով: Կտրատել բանջարեղենը շերտերով:

_Տաքացնել թավայի մեջ յուղը, հավը լցնել դրա մեջ: Երբ այն սպիտակի, կտրատած սխտորը լցնել հավի վրա: Եվս 3 րոպե հետո ավելացնել բանջարեղենը:

_Բոլոր բաղադրիչները խառնել թավայի մեջ, թողնել, որ բանջարեղենը փափկի:

_Հետո ավելացնել սոյայի սոուսը և քացախը: Եփել ուտեստը, երբեմն խառնելով, մինչև պատրաստ լինի:

_Պարբերաբար համտեսել ուտեստը, որպեսզի ընթացքում կարողանաք հարկ եղած դեպքում աղ ու պղպեղ ավելացնել:

_Այժմ տաք ջուրը քամել վերմիշելից, ողողել այն սառը ջրով և բանջարեղենով հավին ավելացնել ֆունչոզան:

_Խառնել բոլոր բաղադրիչները, կարելի է ուտեստը մատուցել սեղանին:

Ինչպես տեսնում եք, սա այնքան էլ ավանդական արևելյան ուտեստ չէ, բայց միևնույն է շատ համեղ է, փորձեք անպայման:

Այս մեր ուտեստը դանդաղորեն շոգեխաշվում է մարինադի մեջ, որի շնորհիվ այն ձեռք է բերում նուրբ և ոչ սուր համ:

Ֆունչոզայով և հավով ուտեստը պատրաստ է:

Բարի ախորժակ:

Տեսանյութ

Աղցան ֆունչուզայով