Ֆունչոզա հավի կրծքամսով. Նրբահամ և հագեցնող արևելյան ուտեստն անչափ համեղ ու ախորժելի է

Այսօր ուզում ենք ձեզ ներկայացնել ինչպես պատրաստել Ֆունչոզա հավի կրծքամսով: Այն կարելի է եփել մսով, բանջարեղենով, սնկով։ Լապշան արագ կլանում է այլ մթերքների և համեմունքների համը և հեշտ է եփվում:

Հենց ծանոթացա այս բաղադրատոմսին, այն շատ արագ փոխարինեց մեր սննդակարգից մյուս նմանատիպ ուտեստներին՝ նույնիսկ պանրով սպագետտիին: Հիմա իմ ընտանիքը գիտի. եթե ես խնդրեմ, որ սառցախցիկից հավի կրծքամիս հանեն, ուրեմն ընթրիքին վառ ու համեղ ուտեստ կլինի։

Ֆունչոզա հավի կրծքամսով. Անհրաժեշտ բաղադրիչները

_Ֆունչոզա 250 գր

_Հավի կրծքամիս 1 հատ

_Բուլղարական պղպեղ 2 հատ

_Վարունգ 1 հատ

_Սխտոր 4 պճեղ

_Սոխ 1 հատ

_Սոյայի սոուս 10 ճաշի գդալ

_Ձիթապտղի յուղ 4 ճաշի գդալ

_Աղ՝ ըստ ճաշակի

_Սև պղպեղ (աղացած) ըստ ճաշակի

_Քնջութ 10 գր

Ֆունչոզա հավի կրծքամսով. Պատրաստման եղանակը

_Հավի կրծքամիսը մարինացնելու համար պետք է կտրել այն շերտերով և ծածկել սոյայի սոուսով:

_Կտրել սխտորը շերտերով, սոխը խորանարդիկներով, իսկ պղպեղը շերտերով կտրատել:

_Նախապես տաքացնել ձիթապտղի յուղը թավայի մեջ և տապակել սխտորը մինչև ոսկե դարչնագույնը:

_Հեռացնել սխտորը և սոխը լցնել տապակի մեջ։ Տապակել մինչև փափկի, ապա ավելացնել հավի կրծքամիսը, համեմել աղով և պղպեղով:

_Այդ ընթացքում վարունգը մանր կտրատել։ Ֆունչոզայի վրա լցնել եռման ջուր:

_Երբ հավի միսը կիսով չափ եփվի, թավայի մեջ ավելացնել բուլղարական պղպեղը։ Տապակել՝ անընդհատ խառնելով։

_Թավայի մեջ ավելացնել ֆունչոզան։ Տապակել բաղադրիչները, մինչև փափկեն:

_Պատրաստելու ընթացքում ավելացնել սոյայի սոուս ըստ ցանկության։

_Տապակը վերցնել կրակից և ավելացնել վարունգը։ Լավ խառնել և ցանել քնջութի սերմեր։

Ամենից շատ ինձ դուր է գալիս այն փաստը, որ հավի մսով և բանջարեղենով ֆունչոզան ինքնուրույն է, այն չի պահանջում որևէ կողմնակի ուտեստ կամ սոուս:

Բացի այդ, այն կարելի է եփել կես ժամվա ընթացքում՝ մեկ թավայի մեջ: Ես երաշխավորում եմ, որ նույնիսկ սկսնակ տանտիրուհին կարող է գլուխ հանել դրանից:

Բարի ախորժակ:

Տեսանյութ

Թարմ աղցան Ֆունչոզայով