Մեր ընտանիքում բոլորը Բորշչ բուլղարական պղպեղով պատրաստում են նույն բաղադրատոմսով, բայց ոչ մեկիս մոտ այնպես չի ստացվում, ինչպես մայրիկի մոտ:
Յուրաքանչյուր տնային տնտեսուհու եփած բորշչը իր յուրահատուկ համն ունի: Ես դրանում արդեն վաղուց համոզված եմ: Բոլորս էլ փորձում ենք տարբերակներ, բայց սա միշտ լավ է ստացվում:
Ջրիկ ճաշի հարուստ և հագեցած համը լրացնում է զարմանալի բույրը: Իսկ լոբին կարելի է վերցնել պահածոյացվածը, որ ավելի արագ ստացվի ճաշի պատրաստումը: Ցանկության դեպքում կարող եք ավելացնել շաքարավազ և կիտրոնաթթու: Եթե որոշեք կանաչ սոխի փոխարեն գլուխ սոխ վերցնել, ապա պետք է սոխեռած անել ու տապակել մյուս բանջարեղենների հետ:
Եվ մի մոռացեք, որ երկրորդ օրը բորշչը նույնիսկ ավելի լավն է:
Բորշչ բուլղարական պղպեղով. Անհրաժեշտ բաղադրիչները
_Հավի արգանակ 2.5 լ
_Հավի կրծքամիս 300 գ
_Գազար 1 հատ
_Նեխուրի արմատ 50 գ
_Սպիտակ կաղամբ 300 գ
_Բուլղարական պղպեղ 2 հատ
_Կարտոֆիլ 250 գ
_Կանաչ սոխ 1 փնջիկ
_Սխտոր 3 պճեղ
_Լոբի պահածոյացված 300 գ
_Տոմատի մածուկ 1 ճաշի գդալ
_Ճակնդեղ 1 հատ
_Դափնու տերև 3 հատ
_Աղ` ըստ համտեսի
_Սև պղպեղ (աղացած)` ըստ համտեսի
Բորշչ բուլղարական պղպեղով. Պատրաստման եղանակը
_Եփել և քամել արգանակը: Հավի միսը կտրել խորանարդներով և տապակել մի փոքր յուղի մեջ մինչև ոսկե դարչնագույն կեղև ստացվի:
_Կտրատել գազարը, ճակնդեղը և նեխուրը շերտերով, պղպեղը խորանարդներով, կաղամբը մանրացնել և սոխը մանր կտրատել: Նախապես տաքացնել տապակը արևածաղկի ձեթով և կիսաեփ անել գազարը, ճակնդեղը և նեխուրը: Ավելացնել տոմատի մածուկը և եփել ևս 2-3 րոպե:
_Եռացնել արգանակը, ավելացնել կաղամբը, երբ եռա, ավելացնել կտրատած կարտոֆիլն ու կրծքամիսը: Եռալուց հետո 5 րոպե եփել, ապա ավելացնել բուլղարական պղպեղը:
_Ավելացնել սոխեռածը, աղը և պղպեղը: Եփել մինչև փափկի` մարմանդ կրակի վրա: Ավելացնել լոբին և կանաչ սոխը, եռացնել: Ընկղմել դափնու տերևը կաթսայի մեջ և եփեք ևս 3 րոպե:
_Հեռացրեք կրակից, ճզմեք սխտորը, խառնել և ծածկել: Թողեք 10 րոպե, որ բորշչի համը կարգավորվի:
Հարուստ համով ու բուրավետ բորշչը պատրաստ է: Լցնել ափսեի մեջ, ավելացնել մի գդալ թթվասեր, մի քիչ կանաչի և սպասել հիացմունքի և հաճոյախոսությունների: Այս ուտեստը չի կարող անտեսվել:
Բորշչ բուլղարական պղպեղով պատրաստ է:
Բարի ախորժակ:
Տեսանյութ
Հավի Մսով Ապուր — Պատրաստման Առավել Հարմար Տարբերակ