Առաջարկում ենք ձեզ դյուրամարս բրնձով սպասի բաղադրատոմս: Այն արագ ու հեշտ է պատրաստվում:
Բրնձով սպաս. Անհրաժեշտ բաղադրիչները
_Մածուն 3 լ
_Համեմ 1 փունջ
_Սամիթ 1 փունջ
_Սպանախ 2 փունջ
_Անանուխ 1 փունջ
_Ձու 1 հատ
_Կլոր բրինձ 0,5 բաժակ
_Աղ՝ ըստ ճաշակի
Բրնձով սպաս. Պատրաստման եղանակը
_Կանաչիները լավ լվանալ, չորացնել հեռացնելով չափազանց կոշտ ցողունները և մանր կտրատել։
_Առանձին բրինձը մեծ քանակությամբ եռացող, աղ արած ջրի մեջ եփել, մինչև փափկի, լցնել մաղի մեջ։
_Մածունը լցնել էմալապատ մեծ կաթսայի մեջ և լավ հարել փայտե գդալով, որպեսզի գնդիկներ չլինեն։
_Ավելացնել ձուն և նորից լավ խառնել։ Կաթսան դնել ուժեղ կրակի վրա և անընդհատ խառնելով, հասցնել եռման աստիճանի (ուշադիր եղեք, որ մածունը լավ եփվի, հակառակ դեպքում այն կարող է շոռվել):
_Այնուհետև զգուշորեն, առանց խառնելը դադարեցնելու, եփած բրինձը և կանաչիները լցնել կաթսայի մեջ:
_Կրկին խառնելով, հասցնել եռման աստիճանի և վերցնել կրակից։
_Մատուցել տաք կամ սառը վիճակում:
_Ապուրին աղ անել ամանի մեջ և մատուցել։
Բարի ախորժակ:
Տեսանյութ
Թանով ապուր
