Շատ գեղեցիկ, համեղ լոբով ապուր պյուրե, որը պատրաստվում է գործնականում առանց ձեր մասնակցության։ Ամենադժվարը մատուցելիս կեսերը զգուշորեն խառնելն է: Ապուրի մուգ «կեսն» ավելի հագեցնող է ստացվում, քանի որ պարունակում է խոզապուխտ։
Սպիտակ «կեսը» ընդհակառակը, ավելի նուրբ ու անուշաբույր է ստացվում, այն ուրցով ու նեխուրով է։
Լոբով ապուր պյուրե. Անհրաժեշտ բաղադրիչները
_Կարմիր լոբի 250 գր
_Աղացած համեմի սերմ 1 պտղունց
_Ձիթապտղի յուղ 4 ճաշի գդալ
_Խոզապուխտ 50-70 գր
_Սոխ 2 հատ
_Գազար 2 հատ
_Սխտոր 1 պճեղ
_Չաման 1 պտղունց
_Չիլի 1 պտղունց
_Հավի արգանակ 1լ
_Նեխուր 3 ցողուն
_Ուրց
_Բանջարեղենի արգանակ 1լ
Լոբով ապուր պյուրե. Պատրաստման եղանակը
_Հավի արգանակի համար մաքրել հավի միսն ավելորդ ճարպից, կտրատել, լցնել կաթսայի մեջ ավելացնել ջուր, մի ամբողջ գազար, նեխուրը, սոխը, դափնու տերևը և եփել միջին ջերմության վրա:
_Ապուրի մուգ մասի համար՝ կտրատել բեկոնը և տապակել այն մարմանդ կրակով, մինչև ոսկե դարչնագույնը:
_Այնուհետև ավելացնել օղակներով մանր կտրատած սոխը, գազարը, սխտորն ու համեմունքները և եփել մարմանդ կրակի վրա ևս 5-10 րոպե։
_Ստացված սոխեռածը լցնել կաթսայի մեջ, ավելացնել լոբին և հավի արգանակը։
_Հասցնել եռման աստիճանի, այնուհետև կրակն իջեցնել միջինի, առանց կափարիչի եփել մինչև պատրաստ լինի (լոբին փափկի)՝ 1-1,5 ժամ:
_Ապուրի մյուս մասի համար. Տապակել օղակներով կտրատած սոխը միջին կրակի վրա մինչև կիսաթափանցիկ դառնա:
_Այնուհետև ավելացնել մանր կտրատած նեխուրը, սխտորը, ուրցը, դափնու տերևը և եփել մի քանի րոպե։
_Սոխեռածը լցնել կաթսայի մեջ, ավելացնել սպիտակ լոբին և լցնել բանջարեղենի արգանակը։ Այժմ ապուրը եփեք այնպես, ինչպես առաջին կեսը:
_Պատրաստի ապուրներից հանել լոբին ու բանջարեղենը և մանրացնել բլենդերով, աստիճանաբար ավելացնելով արգանակը՝ ցանկալի խյուսի խտությանը։
_Ապուրի տարբեր կեսերը պետք է առանձին մանրացնել։ Ցանկության դեպքում կարելի է նաև մի քիչ սերուցք ավելացնել և ստացված խյուս ապուրը մարմանդ կրակի վրա տաքացնել։
_Ճաշատեսակը մատուցելու համար ափսեի մեջ միաժամանակ լցնել 2 կեսերը (այստեղ կարող է անհրաժեշտ լինել օգնական, կամ երկու շերեփ, որոնցով միաժամանակ խյուսով ապուրները կլցնեք ապուրի ափսեի մեջ)։
Ապուրը զարդարել տապակած սնկով և մատուցել տաք վիճակում՝ չորահացերով։
Լոբով ապուր պյուրեն պատրաստ է:
Բարի ախորժակ:
Տեսանյութ
Հումուս և Թահին
