Լոլիկով կրեմ ապուրը մի ուտեստ է, որը կարող է օգնել ձեզ, երբ ժամանակ չունեք գազօջախի մոտ երկար կանգնելու համար: Այն աներևակայելի հեշտ և արագ է պատրաստվում, պահանջվում է ընդամենը 10 րոպե:
Որքան բուրավետ և քնքուշ է ստացվում: Բացի այդ, երեխաները սիրում են այս կրեմ ապուրը: Երբ տեսնում են ապուրի մեջ լողացող բանջարեղենը, առողջ ճաշ ուտելու ցանկություն չունեն։ Բայց, նայելով այս հետաքրքիր ապուրին, որը մատուցվում է նաև տնական չորահացերով, փոքրիկներն անմիջապես գործի են անցնում։ Եվ մի քանի րոպե անց արդեն հավելումի կարիք կլինի:
Կարևոր նրբերանգ. Նախքան սխտորը ջեռոց ուղարկելը, մի մաքրեք այն։ Բավական է միայն բանջարեղենի վերին մասը կտրել։ Տապակած սխտորը շատ ավելի հեշտ է մաքրվում և բաժանվում պճեղների:
Լոլիկով կրեմ ապուր. Բաղադրիչներ
_Լոլիկ 600 գ
_Սոխ 1 հատ
_Սխտոր 1 հատ
_Կրեմ պանիր 200 գ
_Պապրիկա 1 թեյի գդալ
_Պրովանսյան համեմունքներ 1 թեյի գդալ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
Լոլիկով կրեմ ապուր. Պատրաստման եղանակը
_Լոլիկը մանրակրկիտ լվանալ: Մաքրել սոխը և կտրատել 4 մասի։
_Ջեռոցի ամանը յուղել արևածաղկի ձեթով։ Լցնել ամբողջական լոլիկներն ու կտրատած սոխը:
_Կտրել սխտորի գագաթը և դնել մնացած բանջարեղենի վրա։
_Ցանել պապրիկա և պրովանսյան համեմունքներ: Ավելացնել աղ և աղացած սև պղպեղ։
_Բանջարեղենի վրա կրեմ պանիր ավելացնել։
_35-40 րոպեով ուղարկում ենք 200 աստիճան տաքացրած ջեռոց։
_Լոլիկի կեղևը հանել։ Մաքրել սխտորը։
_Բլենդերի ամանի մեջ լցնել լոլիկը, սխտորը, սերուցքային պանիրն ու սոխը։
_Հարել ամեն ինչ, մինչև համասեռ դառնա:
Այս ապուրը մատուցեք սխտորով չորահացերով: Դրանք պատրասատելու համար 4 շերտ սպիտակ հացը կտրատել փոքր խորանարդիկներով, 2-3 րոպե տապակել արևածաղկի ձեթով տաքացրած տապակի մեջ՝ անընդհատ խառնելով։
Հացը դնել խորը ամանի մեջ։ Դրան ավելացրեք 2 փոքր պճեղ ճզմած սխտոր և 2 պտղունց աղ։ Բոլոր բաղադրիչները լավ խառնել, թողնել 5 րոպե։ Այնուհետև նորից խառնել ամեն ինչ և պատրաստի չորահացերն ավելացնել ափսեի մեջ լցված լոլիկի կրեմ ապուրի վրա:
Բարի ախորժակ:
Տեսանյութ
Դդումով կրեմ ապուր
