Լցոնած հավի ոտքեր. Եզակի համեղ ուտեստ՝ առավել մատչելի բաղադրիչներով
Այս կերպ պատրաստված հավի ոտքերը կզարմացնեն և անկասկած կուրախացնեն ձեր տան բոլոր անդամներին: Անչափ համեղ ու նուրբ են: Եկեք պատրաստենք, անպայման դուր կգա ձեզ:
Լցոնած հավի ոտքեր. Անհրաժեշտ բաղադրիչներ
- Հավի ոտք 4 հատ
- Խոզի միս 100-150 գրամ
- Սխտոր 2 պճեղ
- Նարինջ 1 հատ
- տնական մայոնեզ
- աղ / պղպեղ` ըստ ճաշակի
Լցոնած հավի ոտքեր.Պատրաստման եղանակը
- Հեռացրեք հավի ոտքի կաշին «գուլպայի պես»:
- Միսը ոսկորից առանձնացնել, կտրատել փոքր կտորներով:
- Հավի մսին ավելացնել կտրատած խոզի միս: Կարող եք խոզի միս չավելացնել, նայեք ձեր հայեցողությանը, բայց ինձ թվում է, որ այդպես ավելի լավ համ է ստացվում:
- Մսին խառնել տնական մայոնեզ, ավելացնել աղ, պղպեղ և մարինացնել 20-25 րոպե:
- Պատրաստել նարինջը՝ հեռացնել կեղևը (դառը համ չստանալու համար) և կտրել փոքր կտորներով:
- Կտրատել սխտորը: Խառնել նարինջը և սխտորը մսի հետ:
- Լցոնել հավի ոտքերի կաշին: Հուսալիության համար խորհուրդ եմ տալիս այն ամրացնել ատամի չոփերով կամ կապել խոհարարական թելով:
- Թավան տաքացնել և ոտքերը տապակել դրա մեջ, մինչև երկու կողմից ոսկե դարչնագույն կեղև ստացվի:
- Այդ ընթացքում ջեռոցը տաքացնել 180 ° C:
- Տեղադրել տապակած հավի ոտքերը ջեռոցի յուղած տապակի վրա:
- Լցոնված ոտքերը եփել ջեռոցում ևս 20-25 րոպե:
Լցոնած հավի ոտքերը պատրաստ են: Դրանք կարող են մատուցվել և՛ տաք, և՛ սառը:
Բարի ախորժակ!
