Այսօր մենք կպատմենք, թե ինչպես պատրաստել խարչո ապուր տանը: Ստացվում է համեղ, հարուստ համերով, հագեցնող ապուր:
Ախորժելի այս ապուրի բուրմունքն աննկարագրելի է, բառերը չեն բավարարի նկարագրելու համար, դա միայն փորձել է պետք:
Հուսով եմ, որ դուք էլ կվայելեք Խարչո ապուրի այս տարբերակը:
Խարչո ապուր. Բաղադրությունը
_3 լ ջուր
_800 գրամ միս (տավարի միս)
_100 գրամ բրինձ
_100 գրամ ընկույզ
_3 սոխ
_ 5 պճեղ սխտոր
_80 գրամ տղեմալի սոուս (եթե չկա, կարող եք լոլիկ օգտագործել սեփական հյութի մեջ)
_100 գրամ կարագ
_մաղադանոսի մի փոքր փունջ
_1 թեյի գդալ համեմ
_3 հատ դափնու տերև
_1 թեյի գդալ պապրիկա
_1 թեյի գդալ խմելի սունելի
_0,5 գդալ աղացած սև պղպեղ
_1 թեյի գդալ ռեհան
_0,5 գդալ քրքում
_¼ թեյի գդալ դարչին
Խարչո ապուր. Քայլ առ քայլ բաղադրատոմս
_Մսի վրա ջուր լցնել, կաթսան դնել կրակի վրա և եռացնելու պահից 1.5 ժամ եփել:
_Եռալը սկսելուց մեկ ժամ հետո, ավելացնել մաղադանոս և աղ:
_Շատ մանր կտրատած սոխը կարագով սոխեռած անել:
_Երբ միսը պատրաստ է, այն հանեք ջրից և կտրատեք մանր կտորներով:
_Մանրացրեք ընկույզը, անպայման լավ լվացեք բրնձը:
_Բրինձը և կտրատած միսը լցնել արգանակի մեջ և եփել 10 րոպե: Դրանից հետո ավելացնել սոխը, աղացած պղպեղ, դափնու տերև և եփել 5 րոպե: Այժմ ավելացրեք ընկույզ, ռեհան, քրքում, դարչին, պապրիկա և տղեմալի (կամ լոլիկ):
_Թողեք այս ամենը եփվի 5-6 րոպե: Վերջում անջատեք կրակը և համեմեք ապուրը մանրացված սխտորով, կտրատած սամիթով և համեմով:
Խարչո ապուրը պատրաստ է, կափարիչով ծածկեք և թող մնա 25-30 րոպե:
Ինչպես նաև Օջախուրի․ Խոզի Մսով և Կարտոֆիլով Ժառկո․ Վրացական Ընտանեկան Ուտեստ
Պատրաստենք նաև օգտակար և համեղ դդումով ապուր:
Ինչպես եփել Դդումով Ապուր․ Նուրբ և շատ համեղ Կրեմ Ապուր
Վայելեք համեղ ուտեստները ախորժակները և լավ տրամադրություն ունեցեք: