Եթե կարծում եք, որ թռչնամիսը հարմար է միայն դիետիկ սննդի համար, ապա պատրաստեք Կծու ապուր հավի մսով: Այս հետաքրքիր ու յուրահատուկ համով կերակուրը կարող եք պատրաստել ընդամենը 20 րոպեում։
Ո՞րն է ապուրի հաջողության գրավականը: Առաջին հերթին կծու պղպեղը, որն ապահովում է ճաշատեսակի կծու համի համար։
Ինչ վերաբերում է արգանակին, ապա պնդում ենք, որ այն պետք է եփվի առանձին՝ ամբողջական հավից, այլ ոչ թե կրծքամսից։
Կծու ապուր հավի մսով. Անհրաժեշտ բաղադրիչները
_Շամպինիոններ 70 գր
_Կարմիր չիլի պղպեղ 1 հատ
_Հավի կրծքամիս 600 գր
_Կանաչ ռեհան 2 ճյուղ
_Բուսական յուղ 2 ճաշի գդալ
_Հավի արգանակ 800 մլ
_Շաքարավազ 1 թեյի գդալ
_Կիտրոնի հյութ 1/2 հատից
_Աղ՝ ըստ ճաշակի
Կծու ապուր հավի մսով. Պատրաստման եղանակը
_Պատրաստել բաղադրիչները։ Մաքրել սունկը և սրբել խոնավ շորով, կտրել բարակ շերտերով:
_Լվանալ չիլի պղպեղը և կտրել երկու մասի, հեռացնել սերմերը, կտրատել շերտերով։
_Լվանալ հավի միսը և չորացնել թղթե սրբիչներով, կտրել փոքր կտորներով:
_Լվանալ և չորացնել կանաչ ռեհանը։ Առանձնացնել տերևները ճյուղերից և կտրատել:
_Տապակի մեջ տաքացնել բուսայուղը, ավելացնել սունկը և 2 րոպե տապակել ուժեղ կրակի վրա։
_Ավելացնել հավի միսը, կրակը մի քիչ թուլացնել, տապակել 3-5 րոպե։
_Հավի արգանակը լցնել կաթսայի մեջ և հասցնել եռման աստիճանի։
_Տապակած հավի միսը, սունկը, կտրատած կծու պղպեղը լցնել և եռացնել, համեմել աղով, շաքարավազով։
_Եփել ապուրը թույլ կրակի վրա, կափարիչով ծածկված, 8 րոպե:
_Այնուհետև դնել ռեհանը, լցնել կիտրոնի հյութը և եփել 2 րոպե։
_Ծածկել ապուրի կաթսան և մի փոքր թողնել, տաք, բայց անջատված վառարանի վրա։
Բարի ախորժակ:
Տեսանյութ
Հավի մսով ապուր