Սովորաբար լոլիկով ապուրները համարվում են ամառային ճաշ, բայց Կուսկուսով և մսով ապուրը կատարյալ է նաև ցուրտ եղանակին:
Նրա հարուստ համը և նուրբ թավշյա հյուսվածքը ձեզ անտարբեր չեն թողնի: Համոզված ենք, որ այն կդառնա ձեր սեղանի հաճախակի հյուրը։
Կուսկուսով և մսով ապուր. Անհրաժեշտ բաղադրիչները
_Պահածոյացված լոլիկ 400 գր
_Կուսկուս 1/4 բաժակ
_Կանաչ ոլոռ 1 բաժակ
_Միջին սոխ 1 հատ
_Սխտոր 2 պճեղ
_Համեմի սերմ 1,5 թեյի գդալ
_Աղացած չաման 1 թեյի գդալ
_Մաղադանոս 5 ճյուղ
_Կիտրոնի հյութ 1 ճաշի գդալ
_Ձիթապտղի ձեթ՝ ըստ ճաշակի
_Աղ, աղացած սև պղպեղ՝ ըստ ճաշակի
Արգանակի համար
_Տավարի փափկամիս 700 գր
_Միջին սոխ 1 հատ
_Միջին գազար 1 հատ
_Նեխուրի ցողուն 1 հատ
_Մաղադանոս 2 ճյուղ
_Սամիթ 2 ճյուղ
_Համեմ 2 ճյուղ
_Աղ՝ ըստ ճաշակի
Կուսկուսով և մսով ապուր. Պատրաստման եղանակը
_Միսը լցնել կաթսայի մեջ, ավելացնել 1,2 լիտր սառը ջուր ու հասցնել եռման աստիճանի։
_Հեռացնել փրփուրը, կրակն իջեցնել և կափարիչով ծածկված եփել 1 ժամ։
_Մաքրել գազարն ու սոխը և ավելացնել արգանակի մեջ, լցնել նեխուրն ու կանաչիները։
_Միսը շարունակել եփել ևս 1 ժամ, վերջում աղ անել։
_Միսը տեղափոխել ափսեի մեջ և տաք տեղում թողնել, իսկ արգանակը թանզիֆով քամել։
_Սոխն ու սխտորը մաքրել և մանր կտրատել։
_Մաքուր կաթսայի մեջ տաքացնել ձիթապտղի յուղը և տապակել սոխը մինչև փափկի՝ երբեմն խառնելով:
_Ավելացնել սխտորը, համեմը և չամանը և շարունակել եփել ևս 1 րոպե։
_Լոլիկը լցնել ու ավելացնել արգանակը, հասցնել եռման աստիճանի, թուլացնել կրակը և եփել 10 րոպե:
_Ավելացնել կանաչ ոլոռը, եփել 5 րոպե։ Այնուհետև ավելացնել կուսկուսը, կաթսան կափարիչով ծածկել և կրակից վերցնել, թողնել 5 րոպե։
_Ապուրը համեմել աղով, պղպեղով և կիտրոնի հյութով։
_Տավարի միսը կտրատել մի պատառի չափի կտորներով։
_Ապուրը լցնել ամանների մեջ, ավելացնել միսը և ցողել ձիթապտղի յուղով:
_Մաղադանոսի տերևները մանր կտրատել և մատուցելուց առաջ ցանել ապուրի վրա։
Բարի ախորժակ:
Տեսանյութ
Կանաչ լոբով ուտեստ