Համեղ ապուր. Անուշաբույր և հագեցնող ուտեստ

Առաջին հայացքից կարող է թվալ, թե դա նույն դասական,  սնկով համեղ ապուրն է՝ արիշտա հավի արգանակի մեջ, բայց ավելի նուրբ է ստացվում:

Ուտեստի համը ոչ այնքան սովորական և ավելի հետաքրքիր կլինի, եթե բանջարեղենին ավելացնեք դդմիկ, իսկ ավանդական համեմունքներից և կանաչիներից բացի՝ մեխակ։

Համեղ ապուր. Անհրաժեշտ բաղադրիչները

_Հավի կեսը

_Մաղադանոս՝ ըստ ճաշակի

_Սխտոր 3 պճեղ

_Աղ՝ ըստ ճաշակի

_Դդմիկ 0,5 հատ

_Կանաչ սոխ 0,5 փունջ

_Սպիտակ սունկ 300 գր

_Դափնու տերև 1 հատ

_Սև պղպեղ 3-4 հատ

_Կարագ  1 ճաշի գդալ

_Մեխակ 1 հատ

_Վերմիշել 200 գր

_Բուսական յուղ — 2 ճաշի գդալ

_Գազար — 2 հատ

_Սոխ 1 հատ

Համեղ ապուր. Պատրաստման եղանակը

_Հավի միսը լվանալ, դնել կաթսայի մեջ, լցնել 2 լիտր ջուր։ Կաթսան դնել ուժեղ կրակի վրա։ Թողնել եփվի։

_Մաքրել բանջարեղենը: Չոր թավայի մեջ տապակել սոխը, գազարն ու սխտորի պճեղը, ապա ավելացնել արգանակի մեջ և եփել 30 րոպե, մինչև փափկի:

_Ավելացնել դափնու տերևը և սև պղպեղի հատիկները: Հավի միսը հանել արգանակից, թողնել սառչի, մանր կտրատել։ Քամել արգանակը։

_Մաքրել սունկը, լավ լվանալ, վրան լցնել եռման ջուր և թողնել 10 րոպե: Ջուրը քամել։

_Սունկը տեղափոխել առանձին կաթսայի մեջ, ավելացնել 1 բաժակ ջուր և եռացնել միջին կրակի վրա 20 րոպե։

_Մնացած գազարն ու դդմիկը կտրատել, սոխը կիսաօղակներով կտրատել։

_Կանաչիները լվանալ, չորացնել և սխտորի հետ միասին մանր կտրատել։

_Թավայի մեջ տապակել սոխն ու գազարը, 3 րոպե։ Ավելացնել սխտորը և եփել 1 րոպե։

_Վերցնել կրակից։ Լցնել սունկը, տապակած բանջարեղենը և դդմիկը քամած հավի արգանակի մեջ։ Եփել 5 րոպե։ Ավելացնել կանաչի և եփել ևս 2 րոպե։

_Վերմիշելն առանձին եփել եռացող, աղ արած ջրի մեջ 3 րոպե, լցնել քամոցի մեջ և ավելացնել ապուրի մեջ։ Ավելացնել կարագը և խառնել։

_Ապուրի կաթսան վերցնել կրակից, ծածկել և թողնել, որ մնա 10 րոպե։

Բարի ախորժակ:

Տեսանյութ

Հավի մսով ապուր