Այսօր մենք ձեզ կպատմենք համեղ և արագ Հավի մսով ապուր պատրաստելու բաղադրատոմսերից մեկը։
Ճաշին ապուր մատուցելը ավանդույթ է: Հին ժամանակներից մարդիկ նախապատվությունը տվել են դրան։ Հիմնական պատճառը կապված չէ ապուրների պատմության հետ, այլ նրա, որ տաք հեղուկ սնունդը շատ հաճելի է ուտել ցուրտ եղանակին։ Հատկապես եթե այն համեղ է եփվում ու լավ հագեցնում։
Կարելի է նաև ասել, որ ապուրները մեծապես բազմազանեցնում են սննդակարգը, քանի որ մենք հաճախ հացաբուլկեղեն ենք ուտում։
Ապուրներով սովորաբար սկսում են ճաշը, ուստի դրանք սկսեցին կոչվել առաջին ճաշատեսակ:
Հավի մսով ապուր. Բաղադրիչները
_ Հավի թևիկներ 3 հատ
_ Սոխ 1 հատ
_ Գազար 1 հատ
_ Կարտոֆիլ 2 հատ
_ Դափնու տերև
_ Աղ, պղպեղ
_ Սամիթ, մաղադանոս
_ Լապշա կամ ցանկացած այլ մակարոնեղեն 60 գր
_ Արևածաղկի ձեթ
Հավի մսով ապուր. Պատրաստման եղանակը
_Հավի 3 թևիկները լցնել կաթսայի մեջ, խաշել փակ կափարիչի տակ:
_ Կտրել սոխը փոքր խորանարդիկներով: Տապակը յուղել արևածաղկի ձեթով և տապակել սոխը մինչև թափանցիկ դառնա:
_ Գազարը քերել խոշոր քերիչով, իսկ հետո լցնել սոխի վրա։ Տապակել բաղադրիչները և լցնել հավի արգանակի վրա:
_ Կարտոֆիլը մաքրել և կտրատել շերտերով, ավելացնել տապակի մեջ։
_ Այս փուլում աղ ու պղպեղ անել ըստ ճաշակի, ավելացնել նաև երկու դափնու տերև։
_ Ապուրը եռացնել 20 րոպե։
_ Այնուհետև ավելացնել 60 գ մակարոնեղենը, եփել ևս 10 րոպե։
_ Սամիթն ու մաղադանոսը մանր կտրատել և լցնել ապուրի վրա։
Այժմ ապուրը պատրաստ է, կարող եք վայելել համեղ ընթրիք ձեր սիրելիների հետ։
Բարի ախորժակ:
Տեսանյութ
Հավի մսով ապուր