Պիցցա ջրիկ խմորով. Ռեստորանում մատուցվողին չզիջող համեղություն

Վերջերս մի ընկեր ինձ ասաց, թե ինչպես պատրաստել պիցցա ջրիկ խմորով: Սկզբում կասկածում էի, բայց փորձելուց հետո համոզվեցի, որ գաղափարն իսկապես հանճարեղ է։

Ես չէի կարողանում այնպիսի խմոր պատրաստել, ինչպես ռեստորանում: Բայց այս ուտեստը երեխաները շատ են սիրում: Հիմա ես պիցցա եմ պատրաստում առանց խմոր հունցելու շաբաթը մեկ, քանի որ բացի երեխաները, մենք նույնպես սիրում ենք այս ընթրիքը:

Ամեն անգամ, ես ընտրում եմ տարբեր միջուկներ, փորձեր եմ անում բաղադրիչների և սոուսների հետ:

Պիցցա ջրիկ խմորով. Անհրաժեշտ բաղադրիչներ

_Ձու 3 հատ

_Մայոնեզ 3 ճաշի գդալ

_Ցորենի ալյուր 5 ճաշի գդալ

_Ապխտած երշիկ 100 գ

_Բուլղարական պղպեղ 0,5 հատ

_Չերի լոլիկ 7 հատ

_Կոշտ պանիր 100 գ

_Ձիթապտուղ 8 հատ

_Փխրեցուցիչ 0,5 թեյի գդալ

_Ռուկոլա՝ ըստ ճաշակի

_Պեստո սոուս՝ ըստ ճաշակի

Պիցցա ջրիկ խմորով. Պատրաստման եղանակը

_Խմորը պատրաստելու համար ձուն խառնել մայոնեզի հետ։ Ավելացնել աղ և փխրեցուցիչով մաղած ալյուրը։ Խառնել բաղադրիչները, մինչև համասեռ դառնան:

_Միջուկի համար երշիկը կտրատել, լոլիկը կիսել, ձիթապտուղը կտրատել, իսկ բուլղարական պղպեղը շերտերով կտրատել։

_Ջեռոցի տապակի վրա յուղաթուղթ փռել, լցնել խմորը և գդալով հարթեցնել:

_Խմորի վրա լցնում ենք միջուկը, վրան ցանել քերած պանիր և թխել 15 րոպե՝ նախապես 180°C տաքացրած ջեռոցում։

_Պատրաստի պիցցայի վրա լցնել ռուկոլա և պեստո սոուս։

Երշիկի փոխարեն կարելի է օգտագործել խաշած միս և նույնիսկ նրբերշիկ՝ օղակներով կտրատած։

Տեսանյութ

Պիցցա առանց խմոր թխելու