Տապակած շամպինիոններ. Նրբահամ, թեթև ուտելիք

Պատրաստեք տապակած շամպինիոններ, եթե նախընտրում եք բանջարեղենով և սնկով նախուտեստներ:

Ամենից շատ ինձ դուր է գալիս սխտորի սոուսի մեջ տապակված, չափավոր կծու սունկը:

Սխտորի սոուսի մեջ կծու և անուշաբույր սունկը գերազանց նախուտեստ է ճաշի սեղանի համար: Իհարկե, այս ուտեստի սոուսը լավագույնս պատրաստվում է տնական մայոնեզի հիման վրա, որի պատրաստման եղանակը կարող եք գտնել հետևյալ հղմամբ:

Տապակած շամպինիոններ. Անհրաժեշտ բաղադրիչները

_Շամպինիոն 600 գ

_Սոխ 100 գ

_Կարագ 100 գ

_Ձիթապտղի յուղ 2 ճաշի գդալ

_Իտալական համեմունքներ 2 ճաշի գդալ

_Պղպեղ 1 թեյի գդալ

_Աղ 1 թեյի գդալ

_Սև պղպեղ (աղացած) 1 թեյի գդալ

_Թթվասեր 180 գ

_Մայոնեզ 2 ճաշի գդալ

_Սխտոր 3 պճեղ

Տապակած շամպինիոններ. Պատրաստման եղանակը

_Լվանալ և չորացնել շամպինիոնները: Հեռացնել դրանց ոտիկները: Խառնելով տապակել դրանք մինչև կարմրելը՝ տաք յուղի մեջ: 10 րոպե ցածր ջերմության վրա տապակելը բավական կլինի:

_Հետո լցնել փոքր խորանարդներով կտրատված սոխը, պղպեղը, 1 ճաշի գդալ իտալական համեմունքներ, 0.5 թեյի գդալ աղ և աղացած պղպեղ:

_Խառնել և եփել ևս 10 րոպե ցածր կրակի վրա: Այդ ընթացքում պատրաստել սոուսը:

_Մի ամանի մեջ թթվասերն ու ճզմած սխտորը խառնել:

_Դրան ավելացնել 1 թեյի գդալ համեմունքներ, 0.5 թեյի գդալ աղ, մայոնեզ և խառնել:

_10 րոպե անց կարագով տապակված սնկով տապակի մեջ ավելացնել: Խառնել, եփել ևս 5 րոպե դանդաղ կրակի վրա:

_Պատրաստի սունկը մատուցել տաք վիճակում:

Տապակած շամպինիոնները պատրաստ են:

Բարի ախորժակ:

Տեսանյութ

Ժյուլիեն սնկով և հավի մսով