Ունիվերսալ մարինադ ձմռան համար պահածոյացվող բանջարեղենի համար
Գրեթե բոլոր տնային տնտեսուհիները բանջարեղեն են պատրաստում ձմռան համար՝ թթու դնելով ու բանկաների մեջ փակելով: Որքան հաճելի է ձմռանը բացել մառանի դուռը և այնտեղ գտնել լոլիկի, վարունգի, բուլղարական պղպեղի պահածոների գույնզգույն բանկաներ: Սառը եղանակին այս պատրաստուկները հիանալի կերպով կլրացնեն ցանկացած ուտեստ:
Պահոծայացման համար մարինադ պատրաստելու շատ բաղադրատոմսեր կան, բայց նրանց մեջ կա այնպիսին, որն ունիվերսալ է բոլոր առումներով: Անցյալ տարվա գրառումներում բաղադրատոմսերիցանկում մարինադը չփնտրելու համար պետք է հիշել միայն մեկ մեթոդ, որը հարմար է գրեթե բոլոր բանջարեղենների համար:
Ունիվերսալ մարինադ. Անհրաժեշտ բաղադրիչները
- Ջուր 1 լ
- Շաքար 0,5 բաժակ
- Աղ 1 թեյի գդալ
- Քացախ 70 մլ
Ունիվերսալ մարինադ. Պատրաստման եղանակը
- Լվացված բանջարեղենը շարել բանկաների մեջ, եռացրած ջուր լցնել, ծածկել կափարիչով, թող սառչի: Դրանից հետո ջուրը դատարկել կաթսայի մեջ, եռացնել և կրկին լցնել բանկաների մեջ, ծածկել ստերիլիզացված կափարիչներով:
- Ջուրը սառելուց հետո այն պետք է կրկին քամել, և դրա մեջ լուծել աղն ու շաքարը: Մարինադը եռացնել, լցնել 9% քացախ: Մարինադը լցնել բանջարեղենի վրա, փակել բանկաները ստերիլիզացված կափարիչներով:
Այս եղանակով մարինացված պահածոն անհրաժեշտ չէ տաք փաթաթել, ընդամենը բանկաները պետք է շրջել և թողնել, որ սառչի:
Խորհուրդ ենք տալիս պահպանել այս բաղադրատոմսը ձեր էջանիշերում, որպեսզի այն միշտ ձեռքի տակ լինի ճիշտ ժամանակին:
Ունիվերսալ մարինադը պատրաստ է: Համեղ պահածոներ պատրաստեք և բարի լինի ձմեռը:
Տեսանյութ
Բրոկոլիով թթու դրեք մեր բաղադրատոմսով